انطلاق مجلة قوارير رمضان..يلا تابعونا
السلام عليكم ورحمة الله وبركاته
وكل عام ونحن الى الله اقرب
وعلى طاعته ادوم
والى جنته اوشوق
اخباركم ايه يا قوارير
لسة معانا فى مشروعنا ولا نمنا
لاء لاء مانمناش ولا حاجة احنا شغالين وخلااااص راح زمن النوم والكسل
احنا جايين لكم بمفاجأة يــارب تعجبكم ونكون فيها عند حسن ظنكم
$$مجلة قوارير رمضان$$
دى مجلة هنتابع فيها مواضيع تهمنا جداا فى رمضان
عندنا فيها اقسام كتيرة جداا ومفيدة ومتميزة ان شاء الله
&&نحن نختلف عن الاخـــرون&&
أقسامنا هى:
مقالات القوارير_ده هنتعرف فيه على حاجت جميلة جدا لرمضان ونظام حلو اوى لنا نمشى عليه طول الشهر وهنعرف ازاى نستغل كل ثانية فى رمضان ان شاء الله
قدوة القوارير _وده هنتعرف فيه على شخصيات من امهات المؤمنين لان هما دول قدواتنا بعد الحبيب صلى الله عليه وسلم
جمال القوارير_وهنا مش هننسى اننا نهتم بجمال بنوتاتنا بطرق طبيعية وعلشان تبقى اجمل قارورة فى الدنيا
مطبخ لاقوارير_طبعا فى المطبخ مافيش حاجة اسمها قوارير هههههه
هنجهز احلى الاكلات علشان نرضى كل الاذواق ان شاء الله
مناجاة القوارير_وده هنجيب فيه خواطر نقراها ونستشعر بمعانيها ونعيش معاها طول الشهر
دى كانت فكرة بسيطة عن مجلتنا
يلا مين حابب يشوف المجلة ويستفيد منها
وكمان ماتنسوش يابنات اللى عندها اى فكرة ممكن نضيفها تراسلنا على ميل المشروع بتاعنا ونتناقش سوا فيها ان شاء الله
واى حد يابنات من خارج المشروع حابب يشوف المجلة يبعتلى ميله فى رسالة خاصة او لسومة واحنا هنبعتها لكم على الاميلات فورا
فى النهاية بقول من لا يشكر الناس لا يشكر الله
اولا بشكر رب العزة انه وفقنا للعمل ده
واقوله اللهم لك الحمد ياربى انك اصطفيتنا لخدمة دينك وامتك
بشكر استاذ احمد سعيد على مجهوده فى عمل اللوجو الجميل ده
وبنقوله جزاك الله عنا خير وربنا يجعله فى ميزان حسنات حضرتك
وتعبنا حضرتك معانا والله
بشكر بشـــدة اختنا مروة princees
على مجهودها الجبار فى انشاء المجلة دى وقولها شكـرا يا ميرو وربنا مايحرمنا منك ابدا يارب
وطبعا بشكر صاحبة الفكرة والمشروع والموضوع وكل حاجة
soma
ربنا يرضى عنك يابنتى ويكرمك ويجازيكى كل خير وربنا يجعل كل تعبك فى ميزان حسناتك
وماحدش عارف انتى تعبتى اد ايه غيرى
فربنا يعزك ويكون العمل ده سبب فى فرح امهاتنا بنا يوم القيامة يارب
يلا هنستنى تفاعلكم معانا
وان شاء الله هننزل بكرة الصبح أول عدد لــــ
### مجلة قوارير رمضان###
وكل عام ونحــن الى الله اقرب
جزاكم الله خيرا