السلام عليكم ورحمه الله وبركاته
ازيكم يا احلي اعضاء منتدي في الدنيا؟؟؟
ياااااااارب تكونو في احلي حال برضا ربنا عنكم وطاعتكم ليه ان شاء الله
بصو، انا جت لي فكره كده وانا عمال بلف عالمنتديات، وكنت حابب اشوف رايكم فيها.
احنا ان شاء الله كلها يومين كده وهندخل خير شهر في التاريخ، شهر رمضان المعظم.
((شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ))
طيب ايييييييييه رايكم بقي نعيييييييييييييش جوه رمضان ده بكل حياتنا؟؟
هتقولو (ما احنا ناويين نعمل كده فعلا)
هقلكم لا بس ركزو شويه، انا اقصد بكلللللللللل حياتنا.
حتي بالمنتدي...
((لا فهمنا اكتر بعد اذنك معلش))
كده بجد هتتعبوني معاكم.
ماعلينا
انا اللي كنت بفكر فيه اننا نخلي كل تواقيعنا وكل كل صورنا الرمزيه وكل ردودنا وكل مواضيعنا وكل حاجه بنعملها من ساعه ما ندخل المنتدي لغايه مانخرج منه ، تكون رمضانيه.
بمعني، كلنا، كللللللللنا بلا استثناء نخلي صورنا الرمزيه عن رمضان لغايه نهايه الشهر، وتواقيعنا سواء صور او كتابه تكون عن رمضان، وردنا يكون فيه دايما كلمه رمضان مبارك مثلا ، ومواضيعنا كلها تكون رمضانه، يعني مش عايز اشوف اي موضوع ينزل غير عن رمضان، حتي لو نكته، تكون نكته فيها شهر رمضان، يعني المواضيع سواء نزلناها في القسم هنا او في متنوع او بوح او حتي في حلال المشاكل تكون عن رمضان.....
من الاخر عايزين نعيييييييييش الحدث من اوله لاخره.
صدقوني يا جماعه حاسس انها فكره جميله جدا(مش عشان انا اللي جبتها والله) بس لان علماء النفس بيقولو ان الانسان بيتاثر بالبيئه المحيطه بيه، طب ليه منخليش نفسنا وكل اللي يدخل المنتدي سواء زائر او عضو يتاثر بالجو الرمضاني ده؟؟؟
احنا بجد عايزين نبقي ........>>>
((مــــــنـــــــتدي رمضـــــــــــــاني جـــــــــــدا))
ــــــــــــــــــــــــــــ
طب ايه اللي ممكن يساعدنا هنا؟؟؟
كنت بفكر برضه، اننا نخلي الموضوع ده زي مرجع لكل الاعضاء او الزوار اللي عايزين صور رمزيه رمضانيه ، او توقيع، او شعر رمضاني، او لينكات رمضانيه.
يعني كل اللي عنده اي حاجه حلوه عن رمضان(غير المواضيع لان المواضيع هتبقي في اقسامها عادي جدا) يحط الحاجه الحلوه دي هنا.
* اللي بيعرف يألف شعر يحطه هنا عن رمضان.
* اللي يعرف يجيب صور رمزيه رمضانيه يحطها هنا.
* اللي يعرف يجيب تواقيع رمضانيه يحطها هنا.
* اللي يعرف لينكات مثلا عن كتب رمضانيه او فلاشات رمضانيه اولينكات مواضيع رمضانيه حتي لو مواضيع عالمنتدي او او....... يحطها هنا برضه.
يعني دي هي الفكره.
واللي عنده اي اضافات يقول ويكتب علطووووووووول
في انتظار اللي هيبدأو الحمله معايا
__________________
((وَفِي ذَلِكَ فَلْيَتَنَافَسِ الْمُتَنَافِسُونَ))
ـــــــــــــــــــ
السبت أغسطس 30, 2008 4:22 am
